Lunaçek i kërkon kryeparlamentarit Krasniqi tërheqjen e Azem Sylës

Në Strasburg ka vazhduar takimi ndërparlamentar Kosova dhe Parlamenti Evropian. Në seancën e paradites është diskutuar për dialogun Kosovë-Serbi, si dhe për zhvillimin ekonomik të Kosovës.

Po në takimin ndërparlamentar Kosova dhe Parlamenti Evropian eurodeputetja, Ulrike Lunaçek, e ka ngritur çështjen e deputetit Azem Syla i cili po hetohet nga drejtësia në Zvicër për abuzim me sistemin.

Lunaçek i bëri thirrje kryeparlamentarit Krasniqi që t’i kërkoj dorëheqje deputetit Azem Syla për shkak të imazhit të Kosovës.

“Ne po punojmë shumë për të përmirësuar imazhin e Kosovës por mendoj se rasti i deputetit Azem Syla që po hetohet në Zvicër nuk i kontribuon kësaj çështje, ky është rast i papranueshëm dhe ju zotëri kryetar duhet të kërkoni që ai të dorëhiqet”, ka thënë Lunçek, transmeton KTV