Lunacek: Kosova kushtëzon negociatat BE-Serbi
Thu 15 Mar 2012 - 14:00
VJENË- Raportuesja e Parlamentit Europian për Kosovën, Ulrike Lunacek deklaroi se data e fillimit të negociatave për anëtarësimin e Serbisë në BE duhet të kushtëzohet me përparimet e kryera në raport me Kosovën.
"Komisioneri i Bashkimit Evropian për Zgjerimin, Stefan Fule lidhur me këtë çështje është i qartë. Shpresoj se edhe Vjena do ta shtojë presionin ndaj Serbisë dhe do t'i bëjë me dije se pa përmirësimin vendimtar të marrëdhënieve me Kosovën nuk ka fillim negociatash", deklaroi Lunacek në një shkrim botuar në gazetën vjeneze ''Die Presse".
Ajo theksoi se për normalizimin e marrëdhënieve me Kosovën duhet të përpiqen edhe pesë vendet anëtare të BE-së që nuk e kanë njohur pavarësinë e saj, Greqia, Qiproja, Sllovakia, Spanja dhe Rumania.
(ma.ar/BalkanWeb)
Drejtat e ktij Forumit:
Ju nuk mund ti përgjigjeni temave të këtij forumi
|
|