Serbia arreston në Merdar një ish-ushtar të UÇK-s

Policia e Serbisë e ka arrestuar kosovarin Burim Talaku, ish-pjesëtar i UÇK-së.

E premte 23 Mars 2012 15:45

Në pikën kufitare në Merdar, Policia e Serbisë e ka arrestuar kosovarin Burim Talaku, ish-pjesëtar i UÇK-së të cilin Beogradi e akuzon për "krime kundër civilëve serbë" në Prizren më 16 qershor 1999.
‘Talaku akuzohet se ka hyrë në një shtëpi të serbëve me armë automatike dhe me thika, duke e abuzuar fizikisht familjen bashkë me disa persona të tjerë, duke i vjedhur ata dhe duke i larguar ata me forcë nga apartamenti i tyre në Ortakoll të Prizrenit”, ka thënë zv/prokurori serb Bruno Vekaric.
I dyshuari po mbahet në Pozharevc. Vekaric ka thënë se ai do të dërgohet në Beograd për gjykim, dhe se do të kontakohet familja "viktimë" për të dhënë dëshmitë. /indeksonline/