Një vit pune, 70 milion dollarë, ja unaza e parë e gjitha prej diamanti

Sun 25 Mar 2012 - 14:15

Për atë që nuk e njeh krizën ja unaza e fejesës. Një vit punë dhe 70 milion dollarë është vlera e saj. Unaza rekord, është realizuar nga Shawish Jewellery, një kompani argjendarie në Gjenevë, që në pranverë e kaluar kishte deklaruar në Londër se donte të sfidonte ligjet e argjendarisë së lartë duke kriijuar unazën e parë në botë e gjitha prej diamanti. Unaza është krijuar duke punuar mbi një gur të madh diamanti dhe është dashur një vit punë nga ekspertët më të mirë, duke përdorur edhe rreze lazer për të bërë këtë kryevepër. Rreziku i vetëm ishte që në momnetin e krijimit të vrimës në mes të unazës struktura molekulate e diamantit të prishej, por nuk ndodhi kështu sqaron Mohamed Shawed. Tani na mbetet vetëm të shohim kush do jetë gruaja fatlume që do e mbajë në dorë. (da.xha/balkanWeb)