Unaza E Parë Në Botë Tërësisht Prej Diamanti, 70 Milionë Dollarë

Një vit punë dhe 70 milion dollarë është kostoja e unazës së fejesës për atë që nuk e njeh krizën. Unaza me çmim rekord, është realizuar nga Shawish Jewellery, një kompani argjendarie në Gjenevë, që në pranverë e kaluar kishte deklaruar në Londër se donte të sfidonte ligjet e argjendarisë së lartë duke krijuar unazën e parë në botë e gjitha prej diamanti. Unaza është krijuar duke punuar mbi një gur të madh diamanti dhe është dashur një vit punë nga ekspertët më të mirë, duke përdorur edhe rreze lazer për të bërë këtë kryevepër. Rreziku i vetëm ishte që në momentin e krijimit të vrimës në mes të unazës struktura molekulate e diamantit të prishej, por nuk ndodhi kështu, sqaron Mohamed Shawed, transmeton BW. Tani mbetet vetëm të shihet kush do jetë gruaja fatlume që do e mbajë në dorë.