Bleona Qerreti: Së shpejti dhe aktore!

TIRANE-Këngëtarja shqiptare, Bleona Qerreti do të provojë tashmë edhe eksperiencën e saj si aktore.

Këtë e ka pohuar vetë këngëtarja në faqen zyrtare të saj në Twitter.

“Hello Albania shumë shpejt do të dëgjoni surprizën time të radhës ku unë luaj në një film që shumicën e kohës flas shqip! Nuk ju them dot më shumë, ju dua shumë shumë shumë, Zoti e bekoftë Albanian”, është shprehur këngëtarja bukuroshe Bleona Qerreti.

Prej kohesh Bleona është duke kërkuar një sukses ndërkombëtarë që nga koha kur është zhvendosur nga Shqipëria në Los Angeles ku ishte martuar me Gani Bardhën.

Deri me tani këngëtarja ka realizuar edhe disa këngë në anglisht, ka thënë se ka bashkëpunuar me kompozitor të mëdhenj, ka marrë pjesë në disa evenimente që mbahen në Los Angeles, por ende nuk ka ndonjë sukses të konsiderueshëm në muzikë ashtu sikurse e kishte imagjinuar ajo.

Ndoshta, si aktore do ta arrin suksesin e saj që aq shumë e dëshiron.

(d.b/BalkanWeb