Bruksel, diaspora protestë kundër dhunës në Maqedoni

BRUKSEL- Diaspora shqiptare në Evropë sot në Bruksel do të organizojë një protestë masive para selisë së Komisionit Evropian. Lajmi bëhet i ditur nga agjencia maqedonase INA.

Protesta organizohet nga Këshilli Kombëtar Shqiptar për Beneluks, me moton "Stop dhunës dhe diskriminimit të Shqiptarëve në Maqedoni".

Një përfaqësues i Këshillit Kombëtar Shqiptar ka deklaruar se protesta do të jetë paqësore ku do të ngritët zëri kundër situatës aktuale në Maqedoni, incidenteve të fundit të dhunshme që godasin shqiptarët si dhe gjendjen e rëndë të popullit shqiptar atje.

Këshilli protestues theksoi se një letër proteste dhe shqetësimi do ti dërgohet institucioneve më të larta të BE-së lidhur me zhvillimet e fundit në Maqedoni dhe gjendjen e shqiptarëve.
(ma.ar/BalkanWeb)