Protestë në Bruksel kundër dhunës ndaj shqiptarëve në Maqedoni

Diaspora shqiptare në Evropë më 28 mars do të organizojë një protestë masive para selisë së Komisionit Evropian në Bruksel, informon agjencia e lajmeve INA.

Protesta organizohet nga Këshilli Kombëtar Shqiptar për Beneluks, me moton “Stop dhunës dhe diskriminimit të Shqiptarëve në Maqedoni”.

Një përfaqësues i Këshillit Kombëtar Shqiptar i tha agjencisë INA se protesta do të jetë paqësore ku do të ngritet zëri kundër situatës aktuale në Maqedoni, incidenteve të fundit të dhunshme që godasin shqiptarët si dhe gjendjen e rëndë të popullit shqiptar atje.

Përfaqësuesit e KKSH dy ditë para protestës pritet të mbajnë një konferencë me mediat ndërkombëtare dhe shqiptare për ti njohur me detajet e protestës.

3 Pergjigje per Protestë në Bruksel kundër dhunës ndaj shqiptarëve në Maqedoni