Sa është e shëndetshme buka që blejmë

Gati çdo familje rregullisht blen bukë, por a blini me të vërtetë bukë me vlera ushqyese apo vetëm supozoni që është e shëndetshme?Gati tri të katërtat e bukëve që i blejmë prodhohen me tharm ndihmës, që të piqen më shpejt dhe të kenë afat qëndrueshmërie më të madh.Shumë njerëz ndiejnë fryrje pas konsumimit të bukës, ndërsa kjo fryje shkaktohet nga gluteni, i cili në bukët tona gjendet në sasi të madhe.Megjithatë, madje edhe lloji më i shëndetshëm i bukës mund të shkaktojë fryrje nëse hahet shpesh, prandaj rekomandohet që të kufizohet konsumimi i bukës në dy vakte në ditë.“Trupat tanë i tretin lehtë ushqimet e papërpunuara siç janë mishi i pulës, peshku, pemët dhe perimet, por buka është e përpunuar dhe më vështirë tretet. Për shumicën e njerëzve buka është pjesë e çdo vakti, dhe kjo është shumë”, ka deklaruar nutricionistja, Carina Norris.

“Më së miri do të ishte sikur çdo familje ta përgatiste vetë bukën (kështu ka ndodhur dikur edhe tek ne, v.r.). Përveç që është shumë më e volitshme, e dini në çdo moment që ajo çka hani përmban materie ushqyese”, këshillon Norris.

Nëse megjithatë jeni përkrahës i bukës së blerë, Norris sjell disa këshilla që do t’ju ndihmojnë gjatë zgjedhjes kur blini bukë:

• Blini bukë më të rëndë, sepse është më e pasur me materie ushqyese;

• Buka që nuk është shumë e butë në prekje është më e shëndetshme;

• Buka ngjyrë kafe nuk do të thotë domosdoshmërish që është e shëndetshme, shpesh përdoren ngjyra të ndryshme;

• Buka më e mirë është nga mielli i papërpunuar i grurit, sepse përmban krunde, fara dhe endospermë;

• Buka integrale ka indeksin më të lartë glikemik;

• Shmangni ngrirjen e bukës, sepse më vonë përpunohet më vështirë dhe çon deri te fryrja dhe shfaqja e gazrave.