Nënë në moshën 57-vjecare, britanikja pendohet

LONDËR- “Ishte gabim të sillja në jetë një fëmijë në moshën 57 vjecare”. Këtë deklaratë pendese e ka bërë nëna më e vjetër në Britani, e cila në vitin 2008 iu nënshtrua një farëzimi artificial për tu bërë nënë. Gruaja, një mësuese në pension tashmë është 61 vjec dhe ka deklaruar gjatë një interviste për Daily Mail, se duhet të kishte menduar të sillte në jetë një fëmijë kur kishte qënë më e re.Ajo ka këshilluar më tej se askush nuk duhet të vendosë të bëjë fëmijë pas të 50-tave.
Zonja Tollefsen, ka rrëfyer më tej se ajo është prekur nga një infeksion i rëndë gjaku, duke u bërë për javë të tëra e paaftë për tu kujdesur për vajzën dhe pikërisht në këto momente kuptoi se kish bërë gabim të sillte në jetë një fëmijë në moshën 57 vjecare."Rrëfimi vjen katër vjet pas lindjes së vajzës së vogël Freya dhe ka rihapu një debat të fortë në Britani”, shkruan Daily Mail më tej.

Historia e saj është bërë pjesë e debateve të gjëra nëpër emisione. Ka nga ata që e cilësojnë guximtare, por edhe të tjerë që thonë se është egoiste. Ju mbetet juve gjykimi.
(ma.ar/BalkanWeb)