Marilyn Manson, një rikthim i “keq”... ashtu si dikur

Titulli i albumit të ri “Born Villain” ( I lindur i keq) dhe imazhet e para të publikuara në rrjetin e internetit duhet thënë se ishin thjesht të dhënat e para. Tashmë ka ardhur dhe konfirmimi.

Pas disa vitesh “zbutjeje” Marilyn Manson është rikthyer ashtu si dikur. Diçka të tillë e konfirmon videoja e këngës së parë “No Reflection”, që është lançuar në rrjet gjatë këtyre ditëve dhe që ju e shikoni në fund të këtij lajmi.

Janë imazhe që po konsiderohen nga mediat amerikane si tepër të frikshme, me këngëtarin në versionin e një “Joker-i” djallëzor të Batman-it. Imazhe të errëta të një lloj bashkimi familjar që përfundon në një masakër.

Video besohet se është në një sintoni të plotë, kjo duke paralelizuar imazhet me melodinë ritmike dhe disi të rëndë të kësaj pjese.

r.b/NOA