Pema e problemeve

Një marangoz të cilin e kisha thërritur për të më kryer disa punë në një fermë të vogël , sapo kishte mbaruar ditën e tij të parë të një pune të rëndë , gjatë të cilës i ishte prishur motosharra e tij duke i humbur kështu gati 1 orë punë dhe si të mos mjaftonte kjo nuk po i ndizej as kamioni i tij i vjetër .

Kështu që e shoqërova për në shtëpi – gjatë udhëtimit ai nuk foli asnjë fjalë , ndenjti në qetësi të plotë .

Kur mbërritëm më ftoi të njihja familjen e tij .

Ndërsa i drejtoheshim portës ai ndaloi para një peme të vogël dhe kapi fundin e trungut te saj me të dyja duart .

Iu drejtuam shtëpisë dhe kur porta u hap ndodhi një transformim surprizues .

Fytyra e tij e nxirë nga dielli u mbush plot me buzëqeshje .

Përqafoi dy fëmijët dhe i dha një puthje gruas .

Kur me shoqëroi te makina , afër pemës i kërkova të më shpjegonte kuptimin e gjestit që bëri pak më parë .

” Oh kjo është pema e problemeve të mia “.E di që nuk mund t’i evitoj problemet që më dalin gjatë punës , por, problemet nuk janë të shtëpisë sime dhe as të gruas time ,aq më pak të fëmijëve të mi !!

.Kështu që çdo mbrëmje , kur arrij në shtëpi problemet e mia i lë poshtë pemës , ndërsa në mëngjes i marr përsëri .

Por më e bukura – tha duke qeshur ,është se kur dal në mëngjes për t’i marrë nuk janë aq shumë sa më dukeshin mbrëmjen kur i lashë …Kuriozitete