Katari, vendi më i shëndoshë në botë, jo vetëm nga pasuria

Katari, vendi më i pasur në botë, ka marrë edhe çmimin e parë si vendi me njerëzit më të shëndoshë në botë. Gjysma e popullsisë në këtë vend konsiderohen obezë dhe 17 për qind e popullsisë vuajnë nga diabeti. Duke u krahasuar me Amerikën, që deri tani ka mbajtur vendin e parë për popullsinë më të shëndoshë, Katari në përqindje ka më shumë të tillë. Sepse në SHBA vetëm një e treta e popullsisë konsiderohen obezë dhe vetëm 8 për qind e popullsisë janë diabetikë. Vendi i vogël arab, i cili është i pasur me naftë dhe gaz natyror, u cilësua vendi më i pasur në botë vitin e kaluar në raportin e të ardhurave për frymë me prodhimin vendës. Gjatë viteve të fundit, populli i Katarit ka nisur frekuentimin masiv të restoranteve të ushqimeve të shpejta.