Hamburgeri dy vjet i fotografuar ditë pas dite, sa e ruajti freskinë

Fotografja njujorkeze Sally Davies festoi dyvjetorin e projektit të saj ‘Happy Meal’. Ky projekt konsiston në fotografimin e një hamburgeri që amerikania e ka blerë në vitin 2010 dhe të cilit i bën foto çdo ditë duke treguar se ushqimi është ruajtur shumë mirë edhe pse ka kaluar shumë kohë.

"Nuk më besohet që kanë kaluar dy vjet që kur e kam blerë. Unë dukem dy vite më e vjetër, ndërsa hamburgeri nuk ka ndryshuar aspak pamje”, theksoi Davies për agjensinë ‘Efe’.



Eksperimenti nisi me blerjen e hamburgerit më 10 prill të vitit 2010 dhe Davies ka dashur të provojë që hamburgeri ka përbërës që nuk janë të mirë për shëndetin. Deri tani vetëm buka është tharë, ndërsa mishi është zvogëluar paksa, por nuk ka ndryshuar pamje. Davies shprehet se kjo tregon që hamburgerat që hanë fëmijët kanë shumë pak vlera ushqyese.