Lind viç me 6 këmbë, katër i mbështet në tokë, 2 në kurriz

Një viç ka lindur me gjashtë këmbë. Pasi është parë se ai do të jetojë, autoritetet veterinare kanë publikuar lajmin.

Viçi me gjashtë këmbë të cilit i është dhënë emri Lily, u lind shtatë javë më parë në një fermë në Zimental në kantonin e Bernës, Zvicër, sikurse raporton noa.al.

Veterinerët kishin parashikuar se ai nuk do të mbijetonte, por Lily i ka sfiduar ata dhe jeton me katër këmbët në tokë... dhe dy të tjerë në pjesën e prapme.

Andrea Knuti është fermeri që ka në pronësi këtë viç. Ai pohon se është në parametra normalë me gjedhët e tjerë dhe nuk do t’i bëjë eutanazi edhe pse ka frikë se për shkak të dy këmbëve në kurriz, mund të mos kthehet në një lopë qumështi pjellore.

Viçi me gjashtë këmbë është diçka e rrallë në botë. Më parë kishte ndodhur me Lizin, një viç po me gjashtë këmbë në Bavari, e cila jeton akoma, por iu nënshtrua një operacioni që hoqi dy këmbët e tepërta.