Një qytet i mrekullueshëm në mes të detit (brenda në anije)

Quhet “Freedom” dhe është një nga projektet më gjigande të zhvillimit urban brenda në det! Në fakt, bëhet fjalë për një anije gjigande, e cila mund të strehojë deri në 50.000 vetë, duke ofruar shërbime të cilësisë së lartë, si dhe kushte mjaft komode.

Apartamente, dyqane, parqe, vende argëtimi, qendra tregtare, shkollë e universitet, hotele, kazino, spitale, fusha futbolli… janë disa nga ato që mund të gjejë dikush në qytetin e parë lundruese në botë, që pa dyshim mund të cilësohet si një “mrekulli” e kohëve moderne.

Me pamje nga oqeani dhe mundësinë për t’u gjendur ku të dëshirojnë “pasagjerët – banorë” në çdo kohë.
Projekti prototip, i quajtur “anija e dashurisë” pritet të ndërtohet gjatë 3 viteve të ardhshëm, thonë krijuesit. Njerëzit më të pasur të botës pritet të lënë vilat e tyre luksoze, për një apartament lundrues në “Freedom”, ku do të kenë mundësinë të organizojnë ekskursione çdo ditë, me një jaht në breg.

Kuptohet që banimi në këtë qytet lundrues nuk do të jetë një çështje “e lirë ekonomie”, pasi çmimet stratosferike të banesave do të përballohen nga një pakicë e përzgjedhur njerëzish.

Gjithsesi, admirimi për këtë projekt gjigand është falas! /albobserver.com/

sa bukur

Edhe ne Shqiperi duhet ndertuar ky qytet...