A jeni tërheqëse? Studimi: 9 në 10 gra thonë jo

Thu 26 Apr 2012 - 21:56

BRITANI- Një mijë gra në Britaninë e Madhe nga mosha 18 deri në 64 vjec janë anketuar kohët e fundit, mbi vetëbesimin që kanë për pamjen e tyre dhe rezultatet tregojnë se shkalla e vetëbesimit është tepër e ulët. “Vetëm 2% e grave kanë deklaruar se ndjehen mirë me veten e tyre, ndërsa 1 në 10 gra ka deklaruar se ndjehet tërheqëse”, tregojnë rezultatet e studimit. Studimi është kryer nga kompania e produkteve kozmetike Dove, edhe pse nuk mund të themi që është një studim i mirëfilltë shkencor, tregon qartë që grave ju mungon besimi tek vetja dhe pamja e tyre. Studimi vë në pah faktin që gratë edhe pse e shohim veten e tyre në pasqyrë, besojnë që janë në formë të mirë vetëm atëherë kur ua thotë dikush tjetër.
(ma.ar/BalkanWeb)