Dhunë sistematike ndaj ish-gruas edhe pas 10 viteve divorc

Modena, 27 prill 2012, NOA/A.Ymeraj- Historia e fortë e dashurisë mes
tyre u transformua shumë shpejt në një makth i cili zgjati plot 10 vjet
nga ndërprerja e raportit martesor.

Një grua italiane nga Modena u shpëtua nga policia, pasi u vu në pranga i
shoqi i saj një shqiptar i moshës 41 vjeçare me iniciale S.D i akuzuar
për dhunë dhe keqtrajtim ndaj ish-bashkëshortes.

Shqiptari u prangos paraditen e sotme pas kërkesës për ndihmë nga gruaja
e cila edhe pas 10 vitesh divorc përballej sistematikisht me rrahje,
ngacmime dhe kërcënime.

Siç raporton agjencia e lajmeve noa.al, shkak për këtë dhunë të
vazhdueshme është bërë mospranimi nga ana e bashkëshortit shqiptar i
vendimit të dhënë nga Gjykata e Bolonjas e cila ia kishte besuar dy
fëmijët gruas.

Pakënaqësia e vendimit dhënë 10 vite më parë, bëri që 41 vjeçari të nisë
një fushatë hakmarrje duke persekutuar gruan, ndërsa tashmë pas kaq
vitesh torturë gruaja duket se gjeti guxim për të rinisur edhe njëherë
jetën duke denoncuar ish-dashurinë e saj, tashmë i kthyer në makthin më
të keq.

a.y/noa.al

Cmenduri...

Eshte bere ndonje gabim ne identifikimin e personit..!!
Po cne Shqiptar mo cne shqiptare...Shqiptaret jane me te miret po na lini rehat per bese