Miliarder nga Australia vendos të ndërtojë Titanik 2

Miliarderi australian, Kliv Palmer, ka vendosur të ndërtojë versionin e shekullit XXI të anijes fatkeqe Titanik.

Palmer u ka thënë gazetarëve se ka nënshkruar kontratë me kompaninë kineze CSC për të ndërtuar Titanikun 2, i cili do të jetë gati për të lunduar në vitin 2016.

“Do të jetë po aq luksoz si Titaniku origjinal, por, natyrisht, do të ketë teknologjinë e shekullit 21 dhe sistemet e fundit të navigacionit dhe të sigurisë”, ka thënë Palmer i cituar nga RFE.

Titaniku origjinal është mbytur në prill të vitit 1912, gjatë lundrimit të parë. Anija ka goditur në ajsberg, duke shkaktuar vdekjen e më shumë se 1,500 pasagjerëve dhe anëtarëve të ekuipazhit.