Fullani prezanton raportin e BSH për 2011: Borxhi publik 58.1 %

Tiranë, 30 prill 2012, NOA – Duke prezantuar në Komisionin e Ekonomisë raportin vjetor të Bankës së Shqipërisë për vitin 2011, Guvernatori Ardian Fullani bëri me dije se rritja e ekonomike për vitin 2011 ishte 3.1 për qind, raporton agjencia e lajmeve NOA.al.

Fullani theksoi se sektorët që shënuan rritje ishin shërbimet dhe tregtia.

Guvernatori Fullani bëri me dije se borxhi publik gjatë këtij viti ishte 58.1 %, defiçiti buxhetor 3.5 për qind, inflacioni 3.5 % dhe papunësia përgjatë 2011-ës shënoi nivelin 13.3%.

Zoti Fullani nënvizoi se gjatë vitit të shkuar sistemi bankar ka qenë solid, ndërkohë që bankat kanë rritur dhënien e kredisë.

Guvernatori i Bankës së Shqipërisë gjatë raportimit tha se kërkesa e konsumatorit është ulur ndjeshëm gjatë vitit të shkuar për shkak të krizës financiare botërore.

mit/noa.al