Francë, exit-poll: Hollande fiton zgjedhjet. Sarkozi anulon festën

Mbyllen votimet edhe në Francë. Sipas sondazheve, pritet që Fransua
Hollande të dalë fitues nga beteja në balotazh me presidentin e
deritashëm Nikolas Sarkozi.
Ky i fundit njoftohet se ka anuluar festën me mbështetësit e tij, festë e
cila ishte lajmëruar të mbahej në Place de la Concorde.
Sipas exit-polleve, rivali i Sarkozi, Fransua Hollande, ka marrë 52-53
për qind të votave. Mund të thuhet se gabimi i exit-polleve në Francë
është një gjë e rrallë dhe kjo duket se ka qenë edhe arsyeja pse Sarkozi
anuloi festën.
Pas mesditës, pasi kishte hedhur votën e tij, Fransua Hollande, ishte shprehur me entuziazëm.
“Kam besim, por po pres rezultatet, tashmë kanë mbetur edhe dy orë”,-tha Hollande rreth orës 17.30.

lajmifundit