Mblidhte para për fëmijët e sëmurë, i mbante për vete

Ferizaj, 8 maj 2012, NOA- Policia e Ferizaj në Kosovë arrestoi një mashtrues i cili u kishte marrë lekë personave të ndryshëm duke i gënjyer.

Burime zyrtare nga policia thanë për noa.al, se i ndaluari Nezir N, ka mbledhur mjete financiare për shërimin e disa fëmijëve të cilët vuajnë nga sëmundja e epilepsisë dhe për këtë qëllim kishte përdorur gjashtë persona të tjerë për të mbledhur para, duke u fshehur nën emrin e një shoqate.

Nga hetimet rezultoi se mashtruesi paratë e grumbulluara që arrinin shifrën prej mijëra eurosh dyshohet se i ka keqpërdorur duke mos i dhënë për qëllimin për të cilin janë mbledhur.

Sipas policisë thuhet se ndaj tij ka dyshim se Neziri kishte mbledhur edhe herë të tjera para nën argumentin se do përdoreshin për raste të ngjashme.

a.y/noa.al