Daniel Craig, jo një James Bond i vërtetë

Daniel Craig ka marrë famë ndërkombëtare falë interpretimit të agjentit 007 në vitet e fundit, por kjo nuk do të thotë se ka aftësitë e James Bond.

Aktori britanik xhiroi vetë disa nga skenat e filmit më të fundit të agjentit 007 me titull ‘Skyfall’, por një “kopje” e tij bëri punën më të vështirë duke xhiruar skenat që ishin vërtet të rrezikshme.

Sheshxhirimi për momentin është zhvendosur në Adana të Turqisë.

Filmi i tretë James Bond me Daniel Craig, me regji të Sam Mendes, do të dalë në kinematë e gjithë botës më 26 tetorin e ardhshëm. Regjisori ka dashur të sjellë një Bond paksa ndryshe nga ai i penës së Ian Flaming.
“Nuk do ta kisha marrë kurrë regjinë e filmit nëse nuk do të kisha pasur mundësi të vija diçka timen në të. Kur të bëhet montazhi, do të duket se cili është ndryshimi”, ka thënë Mendes në konferencën për shtyp.
Mendes dhe Craig po punojnë ngushtë për realizimin e filmit të 23-të të James Bond, i cili nuk do të ketë lidhje me kapitujt e mëparshëm dhe do të ketë një buxhet prej 230 milionë dollarësh.