Jeta dhe dashuria në komunitetin gay

Ekspozita fotografike e quajtur “Kukafshehti” çelet sot në mjediset e “Tirana Ekspres”, ora 18:00. Jeta dhe dashuria në komunitetin gay janë temat kryesore të ekspozitës e cila hapet me nga Aleanca Kundër Diskriminimit të LGBT me rastin e Ditës Ndëkombëare kundër Homofobisë.

Fotografitë dokumentojnë përpjekjet e këtij komuniteti për të rritur ndërgjegjësimin publik. “Kukafshehti” këkon të portretizojë, pa e fshehur vetveten, lidhjet e këtij komuniteti me shoqërinë shqiptare.

Po sot, me të njëjtin shkas, në Akademinë e Filmit & Multimedias Marubi shfaqen 5 filma me metrazh të shkurtër: “Pink Spot” (2010) dhe “Bëj lëvizjen e duhur, ngri flamurin” (2012) me regji të Artan Karolit, “Unë di të flas” (2012) me regji të Karolit dhe Ditmar Shullanit, “Gjërat që s’t’i kam thënë kurrë” (2008) me regji të Soena Lames dhe “Small Town Boy” (2007) i regjisorit Moby Longinotto. Organizator Ambasada PINK/LGBT Pro Shqipëri, ora 19:00.