Terrorizmi, Policia e New York përgjon komunitetin shqiptar

New York, 11 mars 2012, NOA- Qendra Shqiptare Kulturore Islamike në Tompkinsville ishte një ndër disa vendet e vendosura nën mbikëqyrje nga New York Police Departament, bazuar në një raport sekret të departamentit të marrë nga The Associated Press.

NYPD vuri në shënjestër lagjen Tompkinsville pikërisht sepse kishte një fluks të lartë emigrantësh shqiptarë nga Mali i Zi dhe Kosova dhe një përqindje e vogël nga Shqipëria, pikërisht për të mbajtur nën vëzhgim terroristë të mundshëm.

Siç raporton agjencia e lajmeve noa.al, raporti sekret i policisë së New York tha se bizneset shqiptare ishin përqendruar përgjatë Bulevardit “Victoria”, ku ishin të përfshirë klube sociale, dhe dyqane ushqimore të llojit Hallall të frekuentuara kryesisht nga meshkujt shqiptarë pas namazit në qendër.

Xhamia në qendër të këtij bulevardi në vendin Building Bridges Coalition of Staten Island's Interfaith Thanksgiving Celebration në nëntorin e kaluar ishte përfshirë në raport.

Në një seksion rreth Ishullit të Qendrës Shqiptare Islamike, raporti i New York Police Departament vë në dukje se: "Imami mund të ketë lidhje të mundshme me Al-Farooq (xhamia) në Brooklyn" dhe komuniteti shqiptar pretendon të ketë ngritur 5 000 000 dollarë për të ndërtuar Xhaminë në vitin 1990”, komenton NYPD në listën e të “përgjuarve” në radhët e myslimanëve syni.

Të gjashtë bizneset e Tompkinsville të listuara si nën mbikqyrje përmenden si të fituara dhe përvetësuara nga shqiptarët.

Dyqanet e shtrira në Bulevardin Victory janë të vendosura, Emil's Halal Meats, Rey's Pizza, V & A Deli & Grocery dhe Giannini Hair Salon, edhe kafeneja shqiptare është vendosur gjithashtu në vëzhgim.

Shoqëria myslimane amerikane në Dongan Hills dhe Mesxhid Rahmatillah në Stapleton janë midis 50 organizatave të përfaqësuara nga Majlis esh-Shura (Këshilli islamik i Lidershipit Metropolitan Neë York) dhe Koalicioni Mysliman Amerikane i Lirive Civile, të cilat u publikuan në një konferencë të policisë në Manhatan.

Grupet myslimane ku ishin të përfshirë edhe shqiptarët pohuan se ata ishin të përjashtuar qëllimisht nga takimet me komunitetin mysliman të orkestruar nga NYPD.

Grupet protestuese kanë kërkuar takim me Komisionerin Raymond Kelly për më shumë se një vit.

“Në vëmendjen e raporteve të tilla gjithnjë fshehurazi, duke rritur mobilizimin e komunitetit dhe presion në rritje të publikut nga komunitetet myslimane, deputetë, dhe madje FBI e NYPD po manipulojnë duke u përpjekur për të zhvilluar takime pa adresimin e shqetësimeve të komunitetit mysliman apo për të pranuar veprimet NYPD si gabim apo të paligjshme", thuhet në deklaratën e grupit protestues.

Këshilli mbi Marrëdhëniet Amerikano-Islame (CAIR) të premten i bëri thirrje administratës së presidentit Barak Obama për të adresuar argumentet që NYPD mban në dosjet sekrete për bizneset shqiptare vetëm sepse ato ishin pronë e myslimanëve, nën dyshimin se këta myslimanë mund të kenë lidhje me terrorizmin.

CAIR i bëri thirrje presidentit që të flasë kundër asaj që grupi e konsideron si përdorim flagrantë nga policia e New York për shkak të profilit fetar.

"Është e padiskutueshme që NYPD është e angazhuar në një fushatë të gjerë të profilizimit fetar duke shënjestruar komunitetin mysliman në Amerikë", shkruan drejtori ekzekutiv i CAIR Nihad Awad në një letër për Obamën.

"Vetëm ndërhyrja direkte e Shtëpisë së Bardhë dhe Departamentit të Drejtësisë do të japin disa masa të mbrojtjes të të drejtave kushtetuese të myslimanëve në Amerikë".

CAIR i bëri thirrje kohëve të fundit në administratën e Presidentit Obama për të hetuar përdorimet e raportuara të fondeve të Shtëpisë së Bardhë për fushatën e diskutueshme e NYPD për spiunimin e myslimanëve, pa urdhër ose dëshmi e me synim keqbërje.

Associated Press bën me dije se Policia e New York ka mbajtur dosjet sekrete për bizneset në pronësi të shtetasve amerikanëve të ardhur edhe në brezat e dyta apo të treta në mënyrë specifike, sepse ata ishin myslimanë.

Në fund të vitit 2007, oficerë civilë në departamentin e njësisë sekrete demografike u caktuan për të hetuar edhe popullsinë siriane të rajonit.

Policia fotografoi bizneset në sportelet e drekës dhe brenda dyqaneve ushqimore dhe dyqane ëmbëlsirash.

Në dokumentin e dorëzuar nuk u raportua asnjë kërcënim edhe pse shumica e popullit sirian ishte hebre dhe për këtë u përjashtuan nga monitorimi.

"Ky raport do të përqendrohet në komunitetin më të vogël mysliman," thuhet në raport.

Policia përjashtoi popullsinë Koptike të qytetit të krishterë kur fotografoi, monitoroi dhe përgjoi bizneset egjiptiane në vitin 2007, në bazë të dosjeve të policisë dhe AP.

"Ky raport nuk përfaqëson komunitetin egjiptian kopt dhe është thjesht një pasqyrë në komunitetin mysliman egjiptian i New York City," shkruan policia e New York.

Shumë nga ata qytetarë nën mbikëqyrje ishin qytetarë të lindur në Amerikë dhe familjet e tyre kanë qenë aty për një pjesë të mirë të shekullit.

Shumica e sirianëve janë pjesëtarët e njësisë demografike të brezit të dytë apo të tretë të gjeneratës amerikane thuhet në raportin sirian, duke shtuar se është e pazakontë që të gjendet ardhja e një gjenerate të re siriane në New York.

Ndërkohë, Kryetari i Bashkisë Michael Bloomberg thotë se pothuajse të gjitha grupet myslimane me të cilat ai ka folur në javët e fundit janë mbështetës të programeve të Neë Yorkut të mbikëqyrjes që kanë dërguar informatorë dhe agjentë të maskuar në xhami dhe pranë grupeve myslimane studentore.

Bloomberg tha se në daljen e tij të përjavshme të premten në Radio WOR se disa myslimanë nuk janë të gatshëm për të dalë përpara publikisht sepse ata dëshirojnë që të "mbajnë kokën poshtë", pasi ata janë të "shqetësuar" për të parandaluar një tjetër sulm terrorist.

Kryebashkiaku Bloomberg nuk dha detaje se kujt grupi i referohej.