Beyonce ka humbur 27 kilogramë

Vetëm pesë muaj pasi është bërë nënë, Beyonce i është kthyer skenës duke i mahnitur të gjithë.

Këngëtarja ka mbajtur tre koncerte në Atlantic City, ndërsa figura e saj trupore i ka befasuar fansat.

Publiku e ka brohoritur vazhdimisht, ndërsa atë e ka nderuar edhe Zonja e Parë e SHBA-ve, Michelle Obama, e cila ishte e pranishme në njërin nga koncertet së bashku me dy vajzat e saj.

Beyonce ka treguar se është angazhuar intensivisht për të humbur në peshë, ndërsa falë këtij angazhimi ka arritur të largojë 27 kilogramë nga trupi i saj.

“Nuk jam larguar nga pista e vrapimit dhe kam ngrënë vetëm sallatë të gjelbër”, ka treguar këngëtarja.