Krem dielli për veshët e derrkucëve

Fermerët në Britani po vendosin krem dielli në veshët e derrkucëve për të mos lejuar djegien e tyre nga rrezet e forta të diellit.
Treshja e derrkucëve që po marrin kaq shumë kujdes janë të racës belge “pietrain”, të njohur për lëkurën e tyre të bardhë dhe veshët e mëdhenj dhe shumë delikatë.
Të emërtuar Queen (Mbretëresha), Diamond (Diamanti) dhe Jubilee (Jubileu), derrkucët dy muajsh jetojnë në afër Kendallit, Britani, në “Farm Park”. Lëkura e derrkucëve konsiderohet shumë e ngjashme me atë të njerëzve, dhe ata nuk mund t’i rezistojnë temperaturave të larta mbi 24 gradë celsius pa pësuar djegie.
Fermerët pretendojnë të kënaqin vizitorët me tre derrkucët gjatë jubileut të Diamantë të Mbretëreshës Elisabeta II, meqë tre derrkucët janë shumë lozonjarë dhe të afrueshëm me fëmijët.