Kontraceptivi më i ri per meshkujt do te jete nje krem

Një locion i thjeshtë mund të jetë alternativa e re e kontraspetivit mashkullor. Bëhet fjalë për një krem, që vjen si përzierje mes testosteronit dhe një produkti kimik sintetik të quajtur Nesteron. Nga "Los Angeles Biomedical Istitute" bëjnë me dije se ky krem do të bëjë të mundur kufizimin e numrit të spermatozoidëve, duke reduktuar ndjeshëm mundësinë e shtatzanive të padëshiruara.

Eksperimentet kanë treguar se për 78% të meshkujve sjell edhe një mungesë totale të spermatozoidëve. Mjafton që kremi të aplikohet në lëkurë, për të bërë të mundur që të bllokohet sekretimi i testosteronit dhe si rrjedhojë dobëson prodhimet e spermatozoidëve. Xheli është ende në fazë eksperimentimi, por nëse përmirësohet e aprovohet, shumë shpejt mund të hidhet në treg.