Serbët shesin veshkat për të jetuar

Tregu i zi i shitjes së organeve, në këtë kohë të krizës globale ekonomike, është zhvendosur në Evropë – nga Lindja e Largët dhe nga Amerika Latine. Kështu shkruan gazeta amerikane “International Herald Tribune”, ku përmend në veçanti Serbinë, si destinacion të tregtisë së zezë të organeve.Në reportazh tregohet një çift i ri nga Kovini, ku bashkëshortët i shesin veshkat e tyre për 30 mijë euro.“Njerëzit e varfër dhe të dëshpëruar shesin përmes internetit veshkat e tyre, palcën e kockave ose kornetë e syrit, ndërsa tregtarët e paskrupullt janë ata që fitojnë”, shkruan gazeta “International Herald Tribune”.

Reportazhi fillon me rrëfimin për Pavle Mircovin dhe gruan e tij Danija nga Kovini i Serbisë, të cilët përmes internetit kanë ofruar veshkat e tyre për 30 mijë euro. Ata e bëjnë këtë për shkak të varfërisë, meqë Pavle e ka humbur punën në një fabrikë dhe nuk ka gjetur vend tjetër për punësim. Sipas tyre, familja mezi mbijeton.

Gazeta shkruan se ata jetojnë me vetëm një vakt në ditë dhe se janë të detyruar t’i shesin organet.

“Për të siguruar ushqim për familjen, shitja e një veshke nuk është sakrificë e madhe”, thotë i riu, i cili shton se paratë i duhen që të shkollojë të dy fëmijët e tij.

Deri tani, sipas IHT-së, ata kanë pranuar një ofertë nga një grua në Maqedoni, në vlerë 20 mijë euro, dhe një tjetër nga Gjermania. /International Herald Tribune/

Përgatiti: E.L