Gjyqtari luan ‘solitaire’ gjatë gjyqit të Breivik

Një nga pesë gjykatësit e çështjes së Anders Behring Breivik, vrasësit norvegjez, është kapur në kamera duke luajtur ‘solitaire’ në gjykatë.

Në një foto të publikuar nga media norvegjeze, Ernst Henning Eielsen shihet duke luajtur në kompjuterin e tij.

Gjykatësi nuk e mohoi këtë gjë, ndërsa një zëdhënëse tha se ka mënyra të ndryshme për të qëndruar i fokusuar.

Sipas BBC, të hënën Breivik i tha gjykatës se ishte fyer disa herë nga myslimanët kur ishte fëmijë.

Ai kujtoi se si babai turk i një shoku të fëmijërisë i kishte prishur atij biçikletën. Breivik tha se kur ishte 15 vjeç e kishte rrahur një pakistanez./tema/