Serbët djegin flamurin shqiptar në Zvicër (VIDEO)

Thu 7 Jun 2012 - 19:20

Ambasadori i Shqipërisë, Mehmet Elezi dhe ai i Kosovës Naim Malaj në Zvicër kanë reaguar pas djegies se flamurit shqiptar në miqësoren Spanjë – Serbi, të luajtur në stadiumin e Saint Gallenit, me 28 maj.

Tifozët e Serbisë lëshuan thirrjeve raciste ku gjatë ndeshjes këndonin një këngë me refren “vdekje shqiptarëve”.

Në komunikatën e përbashkët për shtyp, dy ambasadorët kanë theksuar se këto ngjarje kanë tronditur shqiptarët, raporton e përditshmja “Zëri”.

“Këto akte dhune dhe racizmi që nxisin urrejtjen dhe tensionet etnike bien në kundërshtia me vlerat demokratike”, thuhet mes tjerash në komunikatën e përbashkët të dy ambasadave shqiptare, duke theksuar se “futbolli është një sport i bukur që duhet të frymëzojë ndjenjat e solidaritetit dhe miqësisë”.

Në fund, dy ambasadorët, Elezi dhe Malaj i kanë kërkuar autoriteteve zvicerane dhe FIFA-s të marrin masat e duhura për të ndëshkuar aktorët e këtyre akteve të turpshme.

Pikërisht pas këtij takimi, trajneri i kombëtares serbe, Sinisa Mihajloviç laroi nga ekipi, lojtarin Adem Lajiç, pasi refuzoi të këndojë himnin e Serbisë.

Lajiç, i cili luan për klubin italian të Fiorentinës tha se ai nuk do të këndojë himnin në të ardhmen për shkak të “arsyeve personale” pasi ai i përket pakicës myslimanet të Serbisë. /F.S/