"Plehrat", KQZ injoron referendu

Edhe pse kanë kaluar 90 ditë nga dorëzimi i firmave të 62 mijë qytetarëve, të cilët kanë kërkuar zhvillimin e referendumit, për të kundërshtuar importin e mbetjeve, Komisioni Qendror Zgjedhor nuk ka dhene asnje pergjigje

Aleanca Kunder Importit të Plehrave ka kerkuar qe KQZ-ja te zbatoje ligjin dhe afatet e percaktuara ne te, pasi po kthehet ne pengese per zbatimin e te drejtave kushtetuese te qytetareve shqiptare.

"Më shumë se 90 ditë më parë, më datë 13 mars 2012, Aleanca kundër Importit të Plehrave dorëzoi në KQZ një kërkesë me firmat dhe kartat e identitetit të 62 mijë qytetarëve, që në mënyrë kushtetuese dhe demokratike kërkonin organizimin e një referendumi kombëtar mbi importin e mbetjeve në Shqipëri. Kërkojmë që KQZ-ja të shprehet sa më parë në lidhje me firmat e dorëzuara, në lidhje me kërkesën e dorëzuar pranë saj, në mënyrë që të zhbllokohet procesi i referendumit mbarëkombëtar. Institucione si KQZ-ja, që janë ngritur për të garantuar shprehjen e vullnetit popullor, nuk duhet të bëhen pengesë e tij", tha Blendi Kajsiu, përfaqësues i Aleancës.

Anetaret e Aleances Kunder Importit te Mbetjeve kane sqaruar se sipas ligjeve te shtetit shqipar nese KQZ nuk reagon ndaj tij rendojne penalizime edhe me gjoba.
tch