Aksidenti, zgjohet në Austri Eriselda Gubere, ishte në koma prej 21 majit

Fri 15 Jun 2012 - 12:07

AUSTRI – Del nga koma njëra nga dy studentet e plagosura në aksidentin tragjik të 21 majit në Himarë, të cilat janë nën kujdesin e mjekëve në Austri prej disa javësh.

Ministria e Shëndetësisë bëri të ditur se tentativa e mjekëve për të zgjuar studenten Eriselda Gubere rezultoi e suksesshme dhe ajo doli nga koma të enjten rreth orës 14:00.

Ndërkaq vijon të mbetet e rëndë gjendja e studentes tjetër, Florie Peci, e cila vazhdon të jetë në gjendje kome.

Në aksidentin tragjik të ndodhur në 21 maj në Qafën e Vishës në Himarë, ku një autobus me studente të univeristetit "Aleksandër Xhuvani" në Elbasan, ra në humnerë, humbën jetën 13 persona dhe u plagosën 26 studente.

Sipas hetimeve të policisë, shkak i aksidentit ishte shpejtësia tej normave dhe mosreagimi në kohë i shoferit të autobusit për të kontrolluar në kthesë shpejtësinë e mjetit. Por familjarët e drejtuesit të autobusit, Pellumb Cela, i cili humbi jetën në aksident, pretendojnë se autobusi nuk ishte në gjendje të mirë teknike.

Fri 15 Jun 2012 - 13:49

Shqyr nje lajm i mire

shpresoj te behet mire e me mire kjo goca

Aksidenti, zgjohet në Austri Eriselda Gubere, ishte në koma prej 21 majit

Aksidenti, zgjohet në Austri Eriselda Gubere, ishte në koma prej 21 majit

Re: Aksidenti, zgjohet në Austri Eriselda Gubere, ishte në koma prej 21 majit