Kinë, aborti me foto që tronditi botën

Fotografia e një nëne të re kineze, e cila u detyrua të abortojë në muajin e shtatë të shtatzënisë, ka shokuar jo vetëm përdoruesit e internetit në Kinë, por në tërë botën. Fotografia është bërë disa minuta pas abortit, ndërsa aty shihet vajza e re e shtrirë e pranë saj fetusi i vdekur.

Feng Jiamei, nga provinca Zhenping, është vetëm një nga mijëra vajzat që detyrohen të abortojnë, në nivelin e lartë të shtatzënisë, për shkak të politikës strikte kineze për vetëm një fëmijë në familje.

Vajza në foto nuk kishte para për të paguar “dënimin” për shkak se ishte shtatzënë për herë të dytë, andaj u detyrua të abortonte, shkruan BBC. Aktivistët kinezë thuan se, raste të tilla janë të shpeshta, e madje më të rënda, pasi disa detyrohen të abortojnë në muajin e nëntë të shtatzënisë.

Organizatat për mbrojtjen e të drejtave të njeriut pohojnë se politika për një fëmijë nënkupton që aktet e tilla ndodhin çdo ditë, sepse dënimet janë të larta dhe pak gra, sidomos ato të rejat, janë në gjendje t’i paguajnë.

Në një intervistë me nënën fatkeqe dhe burrin e saj, kuptohet se ajo me dhunë është marrë nga shtëpia e saj dhe se është lidhur nga frika se mund të arratisej.

Krimi i tmerrshëm kundër kësaj vajze ka ndodhur më 3 qershor. Siç ka thënë viktima për mediat lokale, ajo me dhunë është dërguar në spital, ku i kanë dhënë mjete për ta nxitur abortin, pa pëlqimin e saj. 36 orë më vonë, ajo abortoi. Nga zemërimi dhe dëshpërim vendosi të marrë një foto të fëmijës së vdekur dhe ta publikojë në internet, për të bërë me dije terrorin të cilin e përjetojnë femrat në Kinë.

Ky rast ka nxitur reaksione të mëdha në internet, duke e vënë në shënjestër ligjin kontrovers për planifikimin familjar në Kinë. /BBC/

Përgatiti: E.L

Cfare mekati o Zot,po ata kur e dine qe nuk u lejohet pse ngelin shtatezena atehere te hyjne ne gjunah me nje krijes....

esht gjynah...nuk ka ligj ne bot qe mund te ndaloj dicka te till,por kina nrm do bie ndonje gje te re...femijet i co zoti,esht dhurat e tij,duhet pranu...

Une dicka nuk kuptoj ..pse duhet ta vazhdojne kaq shume shtatzanine ose pse s marrin masa me mire..se eshte krim me te vertet kjo qe bejne...

ska me tmerr

Skydive shkruajti:ska me tmerr

kine mo kine hesapi