Zbulohet gruaja që sheh mbi 99 milionë ngjyra

BRITANI- Në Britaninë e Madhe është gjetur një grua e cila mund të shohë dhe dallojë 99 milionë ngjyra më shumë se njeriu i zakonshëm, shkruan “Discover Magazine”. Ajo është gjetur nga një mjeke në Universitetin e Birminghamit, raporton Koha Ditore.

Kjo grua e cila në raport përmendet si subjekti cDa29, është personi i parë në botë i njohur për të ashtuquajturin shikim tetrakromatik, përkatësisht që ka katër lloje të qelizave fotoreceptore në retinën e syrit.

Shumica dërrmuese e njerëzve kanë shikim trekromatik, sepse syri i njeriut më së shpeshti posedon tri lloje të këtyre qelizave që shërbejnë për perceptimin e ngjyrave.

Pas testimeve të kryera me më shumë persona, tani dimë që shikimi tetrakromatik ekziston.

Studiuesit deklarojnë se mund të ekzistojnë edhe shumë persona të tillë, por ata nuk dinë që shikimi i tyre dallon nga ai i njerëzve të zakonshëm.
(ma.ar/BalkanWeb)