Zbulohet gruaja që sheh mbi 99 milionë ngjyra

Në Britaninë e Madhe është gjetur një grua e cila mund të shohë dhe dallojë 99 milionë ngjyra më shumë se njeriu i zakonshëm, shkruan “Discover Magazine”. Ajo është gjetur nga një mjeke në Universitetin e Birminghamit. Kjo grua e ca në raport përmendet si subjekti cDa29, është personi i parë në botë i njohur për të ashtuquajturin shikim tetrakromatik, përkatësisht që ka katër lloje të qelizave fotoreceptore në retinën e syrit. Shumica dërmuese e njerëzve posedojnë shikimin trekromatik, sepse syri i njeriut më së shpeshti posedon tri lloje të këtyre qelizave që shërbejnë për perceptimin e ngjyrave. Pas testimeve të kryera me më shumë persona, tashti e dimë që shikimi tetrakromatik vërtetë ekziston. Por, nuk përse është kështu, pasi te shumica e grave me katër lloje të qelizave shikimi megjithatë është normal”, thotë studiuesja Gabriele Jordan. Është shumë e mundshme që ekzistojnë ende persona të tillë, por ata nuk dinë që shikimi i tyre dallon nga ai i njerëzve të zakonshëm.