Arrestohet në flagrancë pedagogu i "Aleksandër Xhuvanit"

Tue 3 Jul 2012 - 21:03

ELBASAN – Arrestohet pedagogu i Universitetit “Aleksandër Xhuvani. Policia njofton se ka vënë në pranga Pëllumb Kllogjerin. Bëhet e ditur se 61-vjeçari është arrestuar në flagrancë në zyrën e tij në universitet nga Sektori i Policisë kundër krimit ekonomik-financiar si pjesë e operacionit “Zarfi”.
Pedagogu i Fakultetit Ekonomik u kap me 70 mijë lekë të reja dhe 100 euro, të cila dyshohet se ua ka marrë studentëve. Këto para ishin futur në zarfe, përkatësisht me nga 10 mijë lekë, që mendohet se ishte edhe “tarifa” për një student.

Arrestimi i 61-vjeçarit vjen një ditë pasi policia e Tiranës arrestoi katër mësuese të shkollës së mesme në Kamëz.