Noizy do lërë muzikën për të jetuar me mua…

Adriana Salihu rrëfen për lidhjen me Noizy-n, arsyet pse u nda, si dhe premtimin që ai vazhdon t’i bëjë vajzës.
Reperi shqiptar, Noizy përherë është bërë objekt thashethemesh për
lidhje të ndryshme jo vetëm me vajza të njohura për publikun, por edhe
nga shumë të tjera fare të panjohura në botën e skenës. Këtë herë, një
vajzë nga Kosova që jeton në Amerikën Adriana Salihu rrëfen për lidhjen
me Noizy-n, arsyet pse u nda, si dhe premtimin që ai vazhdon t’i bëjë
vajzës. “Unë kam kohë që jetoj në Amerikë. Jam njohur me të rreth dy
vite më parë, nga kushërira ime Nora Salihu. Kam pasur një lidhje me
Noizy-n, por pasi mësova se ai më tradhtonte me një vajzë tjetër që
quhet Sabrije Idrizaj. Ajo më shkruante mua që të mos i pengoja, kështu
që unë hoqa dorë nga Noizy duke vazhduar jetën time në Amerikë. Noizy
mund të kishte shumë të mira nga unë, pasi isha unë ajo që e njoha me
shokët e mi VIP-a që janë në Amerikë. Vetëm pasi kuptova që ka shumë
femra të tjera dhe një vajzë, unë hoqa dorë nga ai. Noizy këmbënguli
duke më thënë që do t’i lërë të gjitha, por nuk u pajtuam”.

Po a ka Adriana një lidhje të re në Amerikë? “Nuk kam lidhje tjetër.
Jam single, ndërsa ai s’mund të them që më vardiset, por më shkruan kur
vjen në Amerikë. Jam unë ajo që s’dua të kem asgjë me të. Vetëm në qoftë
se premton diçka që i kam thënë kohë më parë, do i kthehem. Ne flasim
në Skype dhe ai më premton që shumë shpejt do lidhet me mua dhe madje
mendon që ta lërë dhe muzikën dhe të vijë të jetojë me mua në Amerikë”.

Dhe ajo duket se e beson këtë premtim? “Po. Më ka premtuar që do të
vijë të jetojë me mua. Unë po e pres premtimin e tij prej shumë kohësh.
Tani shpresoj ta mbajë premtimin e dhënë. Do e pres edhe pak kohë dhe
nëse nuk e përmbush, do jem unë ajo që s’do kem kontakt fare me
të./ikub/