Lagarde paralajmëron Greqinë: “Duam vepra, jo fjalë në ajër”

Paralajmërime të reja për Greqinë dërgon kreu i FMN-së, Kristine Lagard, duke theksuar se pret diçka më shumë se thjesht fjalë në ajër.

Gjatë një interviste për CNBC, ajo theksoi se Greqia duhet të zbatojë reformat dhe jo të mbetet tek fjalët në ajër. Por ajo nga ana tjetër, u shpreh se qeveria greke është e ndërgjegjësuar për situatën.

Kreu i FMN-së tha: “Jam e kënaqur teksa shikoj autoritetet greke të jenë të ndërgjegjësuar se duhet ta provojnë në vepra vendosmërinë e tyre për të zbatuar programin. Ky qëndrim është i mirëpritur”, tha ajo.

Kur u pyet nëse do t’i jepet më shumë kohë Greqisë, Lagarde tha se është herët për një diskutim të tillë dhe shtoi se Greqisë do t’i nevojitet ndihmë shtesë. /alb-observer.com/