Milani pa yje, Ambrozini ngushëllon tifozët

Largimi i Zlatan Ibrahimoviç dhe Tiago Silva drejt PSG i ka demoralizuar tifozët e Milanit të cilët besojnë se tashmë Milani nuk do të jetë edhe aq kompetitiv. Megjithatë kapiteni i kuqezinjve, Masimo Ambrozini, është munduar të qetësojë tifozët e skuadrës duke i siguruar se Milani do të mbetet konkurrues edhe pa këta dy futbollistë.
“Milan mund të jetë në një faze tranzicioni po mbetemi përsëri një skuadër e madhe”, u shpreh 35 vjeçari në një intervistë për “Sky Sport Italia”.
“Nuk e di se çfarë do të ndodhë në vijim, por çdo vit duhen bërë ndryshime pasi ne lojtarët nuk jemi qenie të përjetshme. Nuk është vetëm Milani që po bën ndryshime të pashmangshme. Shihni edhe Barcelonën apo Mançester Junajtid. A mendoni se ata nuk do të jenë të detyruara të bëjnë ndryshime të mëdha në të ardhmen?”, vazhdoi Ambrozini.
Milani ndërkohë i ka hedhur sytë drejt mbrojtësit grek Kiriakos Papadopulos i Shalkes, për të zëvendësuar Tiago Silvan e larguar. Megjithatë drejtuesit gjermanë e kanë bërë të qartë se nuk do të pranojnë ofertat e italianëve, duke i akuzuar madje se kanë thyer rregullat për kontaktimin e futbollistëve nën kontratë./alb-observer.com/

MILANI eshte dhe do mbetet i mire pavaresisht gjithckaje .Jam tifoze e cmendur

Hajt se keemi dhendrin e silvios paton

NGUSHELLOHEMI ME TE OR MAKS

MILANI PA YJE? se besoj jane shume dinak e bene dhe parvjet kete stil i vune ne gjume interin dhe juven qe te mos benin as ato blerje dhe bene goditjet ne fund jane dhelpra ato

Forzza rossoneri