Mali i Zi, gjenden 400 granata dore të Luftës së Dytë Botërore

Wed 1 Aug 2012 - 18:27

Pjesa më e madhe prej të cilave ishin ende të pashpërthyera. Zona përreth Zetas është një zonë tërheqëse turistike gjatë verës.

MALI I ZI - Policia malazeze ka njoftuar se ka gjetur sot plot 400 granata dore të Luftës së Dytë Botërore në një lumë në afërsi të kryeqytetit malazez, Podgoricë. Siç referojnë media të ndryshme kosovare si "Koha ditore" apo www.kosova.com, shefi i policisë, Danillo Mijajlloviç, u shpreh se fillimisht qytetarët kanë parë një granatë në lumin Zeta, në veriperëndim të Podgoricës, pikërisht një ditë më parë.

Ndërsa sot, pas një kërkimi dyorësh të policisë janë gjetur më shumë se 400 granata të madhësive të ndryshme, pjesa më e madhe prej të cilave ishin ende të pashpërthyera. Zona përreth Zetas është një zonë tërheqëse turistike gjatë verës.

Mali i Zi ka qenë nën pushtimin italian dhe gjerman gjatë Luftës së Dytë Botërore.

MA