Nëna e trinjakëve, u lyente thonjtë me manikyr, për t’i dalluar

Ardhja në jetë e Thomas, Edward dhe Harry Chalwin, në këtë mënyrë, mund të ndodhë një në 200 milion herë. Pra, është një rast shumë i rrallë që trinjakë të lindin kaq të ngjashëm, gati të njëjtë 100%.Tre vëllezërit erdhën në botë në muajin prill. Ata lindën me operacion dhe peshonin vetëm 1.800 gram secili. Gjatë tri javëve të para, ndodheshin në spitalin Stoke Mandeville, në Angli dhe ushqeheshin me tubacion.Por tashmë janë të sigurt në shtëpinë e tyre dhe peshojnë rreth 5.5 kg secili.
Nëna e tyre Claire ndjehet mjaft krenare. Ajo tha se në fillim nuk i dallonte dot se cilët ishin, ndaj u lyente thonjtë me manikyr për t’i dalluar. “Ishte shumë e vështirë në fillim, ndaj më erdhi ideja me ngjyrat. Ua lyeja një herë në javë, për t’i dalluar, por tani s’kam problem, i dalloj menjëherë”, tha ajo për mediat britanike.

Claire dhe bashkëshorti i saj Paul dëshironin një vëlla për djalin e tyre 3-vjeçar, William. Dështimi që pësoi Claire qershorin e kaluar, i trishtoi. Por tashmë kjo është e shkuar, se nga një vëlla që kërkonin, ata i dhuruan William tre vëllezër!

Mundësitë që një grua të lindë trinjakë nga një shtatzëni normale, është një në 4.000, ndërsa mundësia që trinjakët të ngjajnë si tri pika uji, është 1 në 200 milion! /alb-observer.com/