Rashida Jones: “John Travolta ta pranojë përpara botës se është homoseksual”

Vajza e producentit të njohur muzikor Quincy Jones, Rashida Jones, gjatë një interviste ka deklaruar se ” Dua që John Travolta të dalë hapur dhe të pranojë përpara botës se ai është homoseksual”.

Ky shkrim, citon alb-observer.com, ka tronditur mijëra fansa të aktorit por ka shokuar dhe miqtë e John Travoltës. Ndër të tjera, aktorja Rashida Jones ka shprehur admirimin e saj për Frank Ocean, i cili pranoi homoseksualizmin e tij së fundmi.
“Ka ardhur koha që atletët, aktorët dhe njerëzit e rëndësishëm të pranojnë botërisht prirjet e tyre seksuale. Një yll hollivudi si John Travolta duhet ta kishte bërë me kohë diçka të tillë. Edhe sa kohë duhet të kalojë përpara se të marrë kurajon?” deklaroi Jones .

Këto deklarata aspak të hijshme për 58 vjeçarin vijnë pas skandalit, ku disa masazhatorë e akuzuan në publik se ai i kishte ngacmuar seksualisht. Vetë Travolta nuk ka reaguar ndaj kësaj deklarate, por ai gjithmonë i ka refuzuar pretendimet mbi homoseksualizmin e tij, duke ofruar prova që dëshmojnë të kundërtën./alb-observer.com/