Nëna anoreksike rrëfen: Fëmija më shpëtoi nga vdekja

Një nënë e cila vuante nga anoreksia rrëfen historinë e saj sesi lindja e fëmijës i shpëtoi jetën.Laura Wilson, nëna e vogëlushit Matthew ndjehet sot e shëndetshme dhe e lumtur pas periudhës së errët që kaloi para disa vitesh,Pas martesës ajo menjëherë ra nga pesha, por Laura nuk e shikonte si shqetësim këtë fakt derisa një ditë ajo kuptoi se vuante nga anoreksia.Ndërsa tani pas 5-vitesh ajo është e shëndetshme dhe mban në krahë djalin e saj, 14-muajsh.Laura thotë se djali është një mrekulli më vete, sepse asnjëherë nuk e kishte menduar se me dëmet që i kishte shkaktuar trupit të saj, do të sillte në jetë një fëmijë.“Lindja e Mattew ishte ndërhyrje hyjnore për mua. Ai është si dielli, i lumtur dhe unë e adhuroj atë. Djali im i mrekullueshëm më shpëton jetën nga dita në ditë”, shprehet 28-vjeçarja.
Laura ndjehej e pafuqishme në betejën e saj me sëmundjen kur ishte 21-vjeç dhe për këtë arsye ajo u shtrua për kurim në një spital pranë shtëpisë së saj, dy muaj pas martesës.
Ajo tregon fillimin e sëmundjes së saj, kur kishte vendosur të dobësohej që në ditën e martesës të saj të dukej elegante.
Laura në këtë drejtim tregon dietën e rreptë të saj, duke i privuar vetes çdo ushqim.
Por problemet e saj me anoreksinë arritën kulmin, kur ajo u kthye nga muaji i mjaltit që kaloi në Tajlandë në nëntor të 2007, ku kishte humbur disa kilogramë nga pesha e saj.
Me lindjen e vogëlushit Laura iu rikthye jetës normale dhe tashti ndjehet mirë dhe e shëndetshme.
b.gj/noa.al