“Berisha po shet fshehtas kufirin detar me Greqinë”

PS-ja ka akuzuar drejtëpërdrejtë kryeministrin e vendit dhe qeverinë e tij se është duke shitur në mënyrë sekrete kufirin detar me Greqinë. Në një dalje publike, deputeti socialist Saimir Tahiri ka theksuar se po negociohet në mënyrë të fshehtë me palën greke për një marrëveshje të re.
“Kryeministri i vendit, Berisha, në fshehtësi të plotë po mundohet të përfundojë një marrëveshje të re me shtetin fqinj për ndarjen e kufirit detar, pa u nxjerrë ende përgjegjësia përkatëse ligjore apo penale për negociatorët e marrëveshjes së mëparshme për kufirin detar në kanalin e Korfuzit”, u shpreh Tahiri.
Më tej ai theksoi se “në një kohë kur Sali Berisha nga njëra anë dërdëllit gjithë ditën për imunitetin, nga ana tjetër grabit institucionet kushtetuese dhe sistemin e drejtësisë, vazhdon një errësirë e plotë pa kurrfarë transparence, të hedhi hapat e parë drejt një marrëveshjeje tjetër për kufirin mes Shqipërisë dhe Greqisë”.
Tahiri i kërkoi në emër të PS-së, Presidentit të Republikës, Bujar Nishani që të përjashtojë të gjithë ata persona që u përfshinë në negocimin e marrëveshjes së parë, e cila u rrëzua unanimisht nga Gjykata Kushtetuese duke kërkuar njëkohësisht përfshirjen e “ekspertëve të pavarur, shoqërisë civile, specialistëve në vend dhe të huaj përkrah grupit negociator të qeverisë, sepse vendi, toka, deti dhe sovraniteti kombëtar nuk i përkasin qeverisë Berisha, por janë të popullit shqiptar”./alb-observer.com/

Silvana, te befsha Berishen...
Perkedhele pak te kjo tema, se ka hije...

Injoranca ne kulm...

nuk ka drejt as kush ta shet as nje plllam TOK TE KOMBIT shiptar nese berisha e shet nej pjes te shipris aj do ta denon vehten si trathtardonon me vrasje