Trend i ri tek kontraceptivët, tashmë pilulën e pi mashkulli

Shkencëtarët besojnë se janë shumë pranë zbulimit të kontraceptivëve për meshkujt pas një studimi të suksesshëm tek minjtë.

Kontraceptivët për femrat kanë rreth një dekadë që kanë dalë por një gjë e njëjtë për meshkujt deri tani ka qenë e pakapshme.

Një kërkim amerikan tregon se pilula i bën minjtë jopjellorë përkohësisht pa frenuar spermatozoidet.

Ekspertët thonë se janë të kënaqur për këtë zbulim por tani nevojiten testime tek njerëzit, raporton BBC.

Zbulimi është udhëhequr nga Instituti “Dana-Farber Cancer” dhe “Baylor College of Medicine”, të cilët e kanë quajtur këtë pilulë JQ1.

Një prej kërkuesve, James Bradner është shprehur se të dhënat tregojnë se kontraceptivët oral për meshkujt janë të mundur.

Pilula është një skllavëri e përditshme për shumë gra. Por, historia mund të ndryshojë nëse hapi i ardhshëm në drejtim të emancipimit të grave do ishte një pilulë që mund ta pinte mashkulli. Një ndihmë në këtë drejtim vjen me kontributin e saj shkenca. një eksperiment i ri i kryer për momentin vetëm tek minjtë ka zbuluar aftësinë për të penguar fertilitetit mashkullor pa pasur pasoja mbi aftësinë seksuale të tij.

Studimi i publikuar edhe në revistën Cell, drejtuar nga Instituti Dana-Farber Cancer dhe Kolegjin e Mjekësisë Baylor mund të çojë më tej rrugën për zhvillimin e kontraceptivëve orale për burrat, transmeton BW njoftimin.

Pilula e re quhet JQ1 dhe është në gjendje të ndërpresë procesin e pjekjes së spermatozoidit. Sipas rezultateve të fituara gjatë viteve të fundit duke testuar molekulat e minjve, JQ1 do të jetë në gjendje për të reduktuar ndjeshëm numrin dhe lëvizshmërinë së spermatozoideve. /koha