Kush do të kujdeset për fëmijët e Michael Jackson?

Një gjykatë në Los Angeles vendosi ditën e mërkurë se kujdestaria e tre fëmijëve të të ndjerit Michael Jackson do të ndahet mes nënës së mbretit të pop-it, Catherine dhe nipit të tij, T-Jay Jackson.

Pas sherrit që kishte shpërthyer në familjen Jackson, mes nënës 82-vjeçare të këngëtarit dhe vëllezërve të tij, u desh ndërhyrja e gjykatës për të deklaruar kujdestar të përkohshëm nipin 34-vjeçar të këngëtarit, T-Jay Jackson.

Vlen për t’u përmendur se 82-vjeçarja Catherine Jackson kishte kujdestarinë e plotë të tre fëmijëve të tij, 15-vjeçarin Prince, 14-vjeçarin Paris dhe 10-vjeçarin Blanket. Por pas grindjeve gjatë verës dhe me vendim gjykate, ajo do ta ndajë kujdestarinë me nipin 34-vjeçar. /alb-observer.com/