“Na nxorën jashtë nga shtëpia jonë dhe na ndaluan të bëjmë seks”

Këtë radhë shpëtuan me një paralajmërim, që por nëse do të guxojnë herë tjetër, nuk do t’i shpëtojnë dot gjobës.

E kemi fjalën për një çift në Australi, i cili ishte bërë tmerri i komshinjve që ka përreth, pasi pesë net në javë kryen marrëdhënie seksuale të zhurmshme!
Sipas gazetës australiane “Sunday Mail”, policia është lajmëruar nga fqinjët e çiftit plot 20 herë.

“I kaluam kufijtë e ndotjes akustike në këtë pikë, sa na arrestuan dhe na nxorën jashtë nga shtëpia jonë. Na thanë gjithashtu se nuk mund të bëjmë seks”, tha 34-vjeçarja Jessica Angel për gazetën në fjalë.

Partneri i saj, 45-vjeçari Collin McCenzi pranoi se gjatë kontaktit seksual bëjnë vërtet zhurmë, sidomos Jessica.

Policia lëshoi urdhër që çifti të mos kryejë marrëdhënie të zhurmshme, bazuar në ligjin për ndotjen akustike. Është hera e parë që lëshohet një urdhër i tillë, në Australinë e Jugut.

Në rast se ky urdhër shkelet dhe komshinjtë njoftojnë përsëri policinë, atëherë çifti i zhurmshëm do të përballet me gjobë. /alb-observer.com/