“Hajde ça po pret”… Do na i tregojë Genta!

Këngëtarja Genta Ismajli ka pasur një verë shumë të angazhuar me projekte, koncerte, por edhe thashetheme.

Ajo ka pasur një tur koncertesh në qytete të ndryshme, ku është takuar nga afër me fansat e saj dhe janë argëtuar sëbashku. Por gjithashtu, “bujë” bëri grindja që kishte me DJ e saj personal, ndërprerja e bashkëpunimit dhe “telenovela” e kësaj historie në mediat rozë.

E gjithsesi, Genta pësoi edhe një humbje të dytë pasi menaxheri i saj në SHBA, ka përfunduar në pranga.

Të gjitha këtë mund të lodhin gjithkënd, por jo Gentën. Këngëtarja energjike i ka hedhur të gjitha këto ndodhi pas shpine dhe po punon për një projekt të ri muzikor. Kënga e saj që mban titullin “Hajde ça po pret”, do të qarkullojë së shpejti e shoqëruar me klip. Nëse nuk na besoni, atëherë ju bëjmë me dije që lajmin e ka publikuar vetë bukuroshja Gentë në faqen e saj personale në fb. /alb-observer.com/