Hillary Clinton “shfrenohet” në një klub nate në Kolumbi

Sekretarja amerikane e Shtetit, Hillary Clinton ashtu si nuk e kemi parë ndonjëherë. Pasi mori pjesë në samitin e dy Amerikave, në Kolumbi, Clinton shfaqet e shfrenuar teksa dëfrehet në një klub nate të quajtur ‘Cafe Havana’, mbrëmjen e së shtunës.

64-vjeçarja duket se e ka shijuar më së miri atmosferën e klubit kubanez, ku kishte zgjedhur të kalonte momentet e relaksit dhe kjo duket më së miri teksa kërcen me duart lart në ajër dhe pi një birrë e rrethuar nga miqtë me të cilët ka zgjedhur të kalojë mbrëmjen, shumë larg asaj pamjes zyrtare të Sekretares amerikane të Shtetit që jemi mësuar gjithmonë të kemi parasysh kur përmendet emri i saj.

Në samitin e dy Amerikave, ku Clinton ishte pjesëmarrëse gjatë javës që shkoi, u ritheksua embargoja, prej më shumë se 50 vitesh tashmë, që Shtetet e Bashkuara i kanë vendosur ishulli komunist të Kubës, gjë që solli edhe pakënaqësi ndaj SHBA-ve. Por, Sekretarja amerikane e Shtetit, duke zgjedhur të dëfrehet pikërisht në një lokal kubanez, duket se tregon më së miri edhe një herë aftësitë e saj të padiskutueshme prej diplomateje. 16 prill 2012 (gazeta-Shqip.com)

Hahahah epo do pije njehere njeriu hahah tape qenka bere e shkreta ...........